حملك في الصيف كيف يمر بدون تعب

October 28, 2015 09:24 PM

حملك في الصيف كيف يمر بدون تعب

أكتوبر 28, 2021 9:24 مساءً

ممكن تحوّل حرارة الصيف ورطوبته أشهر حملك لكابوس، لأن الحرارة كل ما ارتفعت كل ما زادت معاناتك مع الحمل في الصيف.
“أنا حامل في الشهر الخامس، والصيف توه داخل علينا بالسعودية، وصراحة أحس إن حرارة الجو ورطوبته تأثر فيني أكثر أي شخص ثاني، وبدأ التعب والإجهاد يسيطر علي. باقي لي أربع شهور على الولادة. كيف أقدر أتعامل مع حر الصيف؟ وكيف ممكن أقلل من تعب حملي في هالجو الحار؟”.
صحيح سيدتي الحامل. ممكن تحسي بحرارة الجو أكثر من أي أحد ثاني. والسبب في هذا هو زيادة مستوى هرمون البروجسترون، وهذا طبعاً واحد من التغيرات الفسيولوجية الطبيعية اللي تصير في جسم الحامل. وهو يرفع درجة حرارة الجسم عندك، وهذا يخليكي تحسي بالحرارة أكثر من غيرك، وممكن يؤدي لتعب ومعاناة أكثر حملك مثل إنك تحسي بالإنهاك والإرهاق أكثر.

لكن ممكن نقدم لك 10 خطوات بسيطة وسحرية، تخفف عليكي الحمل أيام الحر:

1. خذي حمام فاتر يوميا لأنه رح يساعدِك بشكل كبير على استعادة حيوية الجسم ونشاط الدورة الدموية، ويفيدك كمان في زيادة مناعة الجسم ضد الأمراض والالتهابات، لأن الفطريات والإفرازات المهبلية في الحمل تكثر في فصل الصيف، والاستحمام يقلل الإصابة بالعدوى ويمنع حدوث طفح جلدي عندك.

2. استخدمي دايماً واقي الشمس لما تطلعي برا. والسبب طبعاً هو ارتفاع صبغة الميلانين في فترة الحمل في الجلد، وبالتالي تزيد من خطر أشعة الشمس اللي ممكن تسبب لك البقع والتصبغات على الجلد والوجه بشكل أكبر. عشان كذا دايما اختاري الكريمات الواقية من الشمس واللي فيها حماية عالية، ولا تنسي تختاري نظارات شمسية جودتها عالية.

3. مارسي السباحة الخفيفة، والأفضل بأوقات الصباح، لأن السباحة تخفض درجة حرارة الجسم وتشيل الحمل من العصب الوركي، وهذا يخليكي تحسي بانعدام الوزن وبالتالي شعور أكثر بالراحة، طبعاً هذا غير الراحة النفسية والاستمتاع بالنوم أكثر.

4. التقليل من أكل الأملاح رح يساعدك على منع تورم القدمين.

5. اشربي موية وسوائل بكميات كافية (من 2-3 لترات كل يوم) عشان تعوضي اللي ينقص عليكي من سوائل بسبب التعرق وعشان تحافظي يظل جسمك رطب.

6. اهتمي بنوعية الملابس الخارجية والداخلية. الأفضل تكون قطنية وواسعة وإنك تتجنبي الملابس الضيقة المصنوعة من الأنسجة الصناعية، وحاولي بقدر الإمكان تبعدي عن الكعب العالي حتى لو كنتي تحبيه كثير.

7. استلقي وارتاحي لمدة نص ساعة أو ساعة يومياً، وارفعي القدمين شوية عشان تمنعي انتفاخ القدمين.

8. اغسلي وجهك وأطرافك بالموية الباردة بين كل فترة وفترة، أو حطي منشفة رطبة على رقبتك وجبينك ورح تحسي بمفعول رائع في المحافظة على برودة جسمك فترة الحمل.

9. حافظي على نظام غذائي صحي غني بالخضروات والفواكهه التي تحافظ على رطوبة الجسم وامتنعي عن الاغذية المتروكة لمدة طويلة خارج الثلاجة ذلك لان الميكروبات تتكاثر بسرعة مع ارتفاع درجات الحرارة وقد تعرضك لحالات التسمم الغذائي التي تزداد في شهور الصيف.

10. حاولي تقومي بأنشطة خارجية مثل التسوق والسفر وغيرها في فترة الصباح بدري أو وقت المسا لما تكون درجة الحرارة أقل، عشان ما تتعرضي لضربة شمس نتيجة ارتفاع الحرارة لا سمح الله. ودايما احتفظي بقارورة موية في شنطتك عشان تعوضي اللي تفقديه من السوائل.